一個專業嘅保險Agent對於你嘅保單係非常緊要。點解咁講？因為小至保單服務大至Claim錢（理賠），我地都會係通過Agent去做會比較方便，更重要嘅係，佢地Claim錢嘅程序及手續一定會比我地更清楚，加上佢地知道點樣去Claim會令個Case更Smooth(Claim錢攻略），所以有乜事都係應該揾返Agent會比較好。 從揾醫生到出院，一個專業嘅Agent會跟足你。咁一個專業嘅Agent仲會有咩要素呢？
專業Agent有嘅要素
- 聆聽及了解你嘅需要，清楚明白你擔心同埋潛在嘅問題/風險 – 我地買保險，無非都係怕有咩事起上黎會對家人或經濟做成影響。所以Agent係必需了解我地擔心啲乜，同埋我地自己都唔知嘅潛在風險。
- 識得真正嘅財務策劃，真正為你去諗，幫你訂立一個完善嘅個人風險管理（點解要大家可以參考我地完善嘅個人風險管理 ）- 唔會係為左Sell你買單或買高佣嘅保單，而係幫你係能力範圍許可下，儘可能訂制一份完全切合你需要嘅保單，以解決我地擔心嘅問題。
- 專業並細心地講解保障嘅範圍同內容 – 有好多時我地為左幫下朋友而幫佢買單，俗稱「膞頭單」，又或係我地唔識啲Terms覺得好麻煩而是但簽左啲保單，有咩事起上黎出現損失嘅都只係自己。其實講解保單嘅時候，一個專業嘅Agent更應該以細心淺白易明嘅方式去同你講解。點解要咁？因為到時賠唔到嘅時候連朋友都冇得做。更什係客人亦會出現損失，所以絕對唔好因為覺得麻煩而省略左啲細節（魔鬼在細節）。
- 為你處理你保單所有嘅問題，包括Claim錢同搞保單服務 – 開頭都講左，保單上嘅一切服務都應該係通過Agent去搞，佢地就係顧客同保險公司嘅橋樑。加上自己搞好多時都唔係太搞得掂，始終唔係專業。既然有Agent跟，點解唔揾返佢搞？一個專業嘅Agent係會願意幫你去處理呢啲問題，因為佢地明白佢地係專業，處理保單問題亦係佢地嘅職責。
- Agent除左幫我地去處理保單上嘅問題，有啲Agent更會幫我地處理更多。舉例：每個人到現時為止，未必都會面對過有身邊嘅人離世，但係好遺憾，我地都會有機會去面對呢啲事。當發生呢件事嘅時候，係我地徬徨之際，Agent可以比到好多意見比我地。當中包括整個流程，專業意見，因為始終Agent面對呢啲情況會比我地多。
當然以上只不過係謹供參考，專業嘅Agent每個人定義都唔同但係最起碼要有責任心、專業操守同專業知識，唔係一Sell完張單就唔見左人。一定要揾到一個係有事嘅時候幫到你嘅。
但係係眾多Agent入邊又點樣知道呢個Agent好唔好？個個係Sell單嘅時候都會講到乜都得，但之後要揾人就難過登天。要揾專業Agent記得係我地平台睇下Agent嘅Comment同Rating或者對你自己嘅Agent(如有註冊）作出評分/評語，InMAP會嚴密監控和驗證平台上的專業顧問。我地希望透過InMAP令大家更易去揾到專業嘅Agent，係出去見佢地之前大家已經會對佢有一定嘅認識。評語對於Agent們亦十分重要。因為他們可以通過評語知道自身進步的空間，令自己變得更專業。
#好Agent
#Agent嘅重要性
#揾Agent
#InMAP
我地InMAP平台上線啦。另外，大家可以Subscribe我地Newsletter或者我地嘅Social Media，咁我地一有消息你地都會即刻知道。
