係今時今日，保險唔係剩係保人同死物。仲有大家心愛嘅寵物（包括我地嘅小狗同貓貓）。作為狗奴貓奴，我地都希望能夠比到最好嘅野比佢地。佢地係我地其中一個家庭成員，並且一直陪伴我地同埋我地嘅小朋友成長，某程度上，佢地可以話係我地嘅小朋友。雖然有時候佢地都會唔聽話（當你返到屋企見到通屋都係廁紙，之後再見到你嘅真皮梳化冇左層皮嘅時候你就哭笑不得），但同時帶到比我地無限嘅歡樂（當件事過左去之後，諗返起嘅時候都係會心微笑）。但係一個殘酷嘅事實係佢地都會病都會老。我地做主人嘅都會希望比最好嘅醫療佢，但最好嘅醫療代表咩？就係要用好多錢。
寵物病左，佢地唔好似我地咁，可以平平地排下公立（其實人病左嘅時候都會唔想去排幾個鐘什至十個鐘以上去睇病）。佢地睇一次醫生就己經係幾百蚊什至係過千蚊嘅事，咁長期病或者大家呢？一下就會用左你幾萬蚊甚至更多（筆者嘅小狗就係其中一個例子，不幸地小狗患上左心臟病，但好彩發現得早）。而家，我地都可以幫我地心愛嘅寵物買保險以應付佢地病時我地需要比嘅開支，但係其實而家係香港並唔係有好多選擇（包括： 藍十字（Bluecross）、三井住友（MSIG）、FWD富衛、Petble Care、中國太平保險、OneDegree）。
有啲人就會覺得幫寵物買保險，不如自己每月儲起一千蚊到真係有事嘅時候先用。當然，呢個方法可行，但係首先你唔會知道到有事嘅時候你會要用幾多錢，亦唔會知道佢地幾時病。同埋，當你儲住嘅時候，你自己又會唔會用左呢？我地初初帶佢地返屋企嘅時候，都唔會諗到呢個問題，但我地係必然要去面對（筆者正正就係一個例子）。傷心固之然會，但我地都要尋求解決嘅辦法。希望大家當你帶你嘅寵物返屋企時，認真思考下呢個問題。
現時筆者覺得香港嘅寵物保險雖然未係太完善，但始終有勝於無，當有事嘅時候可以幫到我地大部分嘅開支都好。（溫馨提示：大家記得要睇清楚啲條款同細節先決定。筆者之後會出一篇文章，講下而家香港嘅寵物保險計劃，希望大家有個參考。）
大家記得除左關注我地心愛嘅寵物嘅保險之外，你地自己嘅風險管理（可以睇下我地完善嘅個人風險管理嘅文章）又做好左未呢？如果了解自己做好左未，可以去我地InMAP度Check下，又或者同我地平台上嘅專業顧問傾傾。
#寵物
#寵物醫療開支
#不棄養
#寵物保險
#儲錢定保險
#InMAP
#風險管理
我地InMAP平台上線啦。另外，大家可以Subscribe我地Newsletter或者我地嘅Social Media，咁我地一有消息你地都會即刻知道。
現時透過以下連結可於OneDegree享有75折優惠：
