退休 – 對於我地黎講都仲有好長嘅一段日子，唔知大家有冇諗過或者已經開始計劃？但係無論我地自己而家Plan唔Plan佢住都好，由2000年12月開始，收入只要過左下限，顧員就必需要供強積金（MPF – Mandatory Provident Fund）。
根據《強制性公積金計劃條例》，除左獲豁免嘅人士之外，所有18到64歲嘅受僱人士，若果受僱期不少於60日，都必須參加強積金計劃無論係暑期工或者係兼職僱員，只要符合年齡同受僱日期嘅規定，僱主都須要係佢地受僱嘅頭60日內幫佢地參加強積金計劃。另外，強積金供款設有上下限，月入低於$7,100，僱員無須供款，但僱主仍須為僱員作出強制性供款，供款額為薪金的5%。而月入$7,100或以上，僱員和僱主都須分別供款，供款額同樣為薪金的5%，各自的上限是每月$1,500（出處： 積金局）。
強積金嘅作用就係比我地65歲退休嘅時候有筆錢可以幫到我地退休（雖然應該唔夠我地退休架啦），雖然強積金初行直至而家都仲係好多爭議（比如成效方面啦或者係用途方面：若果我想用於置業嘅用途，咁可以攞出黎就好啦），但係點都好，呢啲都係我地自己嘅錢，大家一定要管理好。
管理MPF
強積金係退休策劃入面其中一種保障我地退休生活嘅長線投資。投資唔同儲蓄，我地要去管理好佢。雖然我地唔係專業嘅投資人仕，但係各位如果管理得好，我地先可以係市場下滑嘅時候保障到自己嘅財產，更有機會係跌市嘅時候趁低吸納，從而令我地退休金唔會下跌之餘更向上提升。而整合MPF都係易於我地管理嘅其中一種方法，點解？因為你要了解一間公司嘅所有基金會容易過分散係好多間唔同嘅公司。我地通過整合左MPF係一間公司後，可以用少啲時間去了解應該投資係咩嘅基金，好過要了解唔同公司加唔同基金。另外，基金係有一班專業人仕（基金經理及其團隊）幫我地投資，咁我地都要出返糧比人。所以基金就會要收返管理費。坊間唔同公司有唔同基金，而佢地都收唔同嘅管理費。若果我地將MPF户口分散係好多地方，相對，我地計算支出（管理費）就會比較複雜。而整合左，我地要計算返都會易啲，只需要知道自己而家果間嘅管理費就得。最後，用同一間公司轉基金都會比較方便，唔洗逐間逐間轉，更加唔洗Download咁多個App記唔同密碼。
風險
筆者認為，年紀輕可以承受到比較高嘅風險時去投資一啲會增值得快啲嘅基金會比較好。因為到我地年紀慢慢大嘅時候風險承受嘅能力冇咁高。隨住年紀增長，可以慢慢去轉返去一啲冇咁高風險嘅基金（比如債卷等等）。雖然揀啲話風險比較高，但係本身我地以月供嘅方式去供MPF，已經有左平均成本法去降低我地嘅風險。同時基金係一籃子投資，風險水平亦都會比股票低（風險分散）。所以我地只要再分散風險，將一啲資源放係低風險嘅基金等佢慢慢增長嘅同時對沖返我地投資係高風險嘅基金，就能夠將風險再度降低。另外，係市場下滑嘅時候，一定要將資產由高風險嘅基金轉走，如果唔理，洩嘅都係自己錢。
其實整合自己嘅MPF係百利而無一害同時又唔洗錢。投資基金方面，雖然而家有懶人基金，但係筆者認為都係自己了解下好。因為MPF到我地退休嘅時候雖然未必夠我地退休，但係都幫到我地好多。最後，大家除左要管理好自己嘅MPF之外，筆者亦都建議大家計下自己需要幾多錢退休，咁先可以更有規劃地預備我地嘅退休生活。
大家如果想諮詢/了解多啲關於強積金或退休方面嘅建議，可以去InMAP平台問下專業顧問嘅意見。
