InMAP
InMAP平台首要解決各位揾Agent嘅煩惱。我地究竟點樣知道將要會面嘅Agent好唔好？若果係朋友，我地大概了解佢係咩人，但係若果係一個唔識嘅人呢？又點得知呢位顧問嘅質素如何？ 評分/評語 我地唔係專業，揾得Agent買單就係想佢幫我地點去Plan對我地係最好（點為之好Agent？）。再加上係我地要Claim錢又或者搞保單上嘅野時有人Serve我地，坦白講有時鬼識搞咩。要啲咩，點樣易啲Claim到，應該會係Agent比我地清楚。但係大家又點樣知道我黎緊見果個Agent好唔好呢？係InMAP，各位可以對自己嘅顧問比評分/評語，比大眾知道究竟自己嘅Agent或者將見面嘅Agent好唔好，係見面之大家都可以對佢有一個初步嘅了解。另外，評分/評語可以比到Agent知道佢地需要改善嘅地方，從而改善整體Agent嘅質素。我地InMAP亦都會控制平台上面Agent嘅質素，同時亦會全力打擊假Comment，希望大家買到適合自己嘅保險同時有個適合嘅專業顧問幫到你地處理保單上嘅問題。如果大家對於平台上嘅Agent有任何意見，請記得同我地講，我地一定會跟進。 保險組合管理系統 有冇試過成日都唔記得自己買左咩保單？又或者屋企人有事，我地唔知道佢有咩單？ 係InMAP，一個平台上面記錄哂你自己同埋家人嘅保險組合，咁當有咩事起上黎嘅時候（Touch Wood）屋企人都可以知道自己有咩保險同可以揾返跟開果個Agent（不同用户可以通過授權給家人去查看你的保險組合），而用户的保險組合資料都會以AES-256（美國政府、軍隊及銀行處理敏感資料時用嘅方法）的技術進行加密。另一方面，大家亦都可以隨時睇到自己有咩保險，唔洗下下人地問起自己都唔知自己買左咩。但係要自己輸入咁麻煩？其實用户可以授權比一個或多個Agent（可能唔同公司都有單）去幫你輸入返你嘅保險組合。而InMAP會通過簡單嘅方式比你睇到你現時有嘅保障。 保險需求分析(未上線） 其實每個人需要嘅保障都唔同（大家可以參考要買幾多保險先叫夠），比如單身貴族嘅就會小啲，結左婚有小朋友嘅又會多啲。我地要有完善嘅風險管理，就要知道自己需要幾多保障。通過InMAP嘅保險需求分析，大家可以了解到自己嘅需要，並唔係Agent話要幾多就幾多。通過計算完用户嘅需要，InMAP係保險組合管理系統會計算出你嘅會唔會買太多保障又或是有保障缺口，咁就可以一目了然。另外，大家亦可以透過分享你嘅情況比你Agent知道，等佢幫你Plan下。 揾Agent用法 InMAP平台用法非常簡單，只要跟住以下步驟你就可以立即用到。 首先打開我地嘅平台 大家可以先瀏覽我地嘅Agent List 揾岩Agent可以注冊同佢咨詢又或者直接按右下角嘅按扭進行注冊以獲得更多功能 按一般用户/客户進入 然後以Email注冊或者直接用Facebook/Google登入 之後就可以瀏覽我地嘅Agent List向各位專業嘅顧問咨詢佢地嘅意見架啦 係我地Agent List入邊大家可以睇到各位顧問嘅自我介紹、公司、牌照同埋評分/評語 當揾到適合自己嘅Agent，你可以按聊天鍵同你所選擇嘅顧問展開對話 係對話嘅期間，你係唔需要公開你嘅個人資料。直到你認為Ok嘅時候又或者係約Agent出黎面談嘅時候你可以揀比唔比資料佢。（InMAP會確保平台上嘅顧問係持牌顧問） 到見完面，大家買唔買都好都，可以留返個Comment同Rating比Agent。等下一位用户睇到呢位Agent嘅情況。亦都係比顧問們進步嘅機會 係Agent果版，按我的顧問，你可先輸入評分或評語。一經顧問確認身分後（有出黎見過面），你嘅評分/評語就會Show出黎架啦。另外，大家請放心，Agent未確認身分前，顧問係唔會知道你留嘅Comment係咩架。至於評分，我地係會按Average Rating去展示出黎。 至於保險需求分析，我地平台正努力開發中。我地一定儘力儘早完成，敬請大家期待！大家可以Subscribe我地嘅Newsletter又或者Follow我地嘅社交媒體平台，咁就可以第一時間知道我地嘅最新消息同最新文章。 InMAP致力為各位提供Agent們嘅情報，同時都需要大家去幫忙建立一個真正揾好Agent嘅平台。另外，如有任何投訴/建議請與我們聯絡。 P.S 現時平台為Beta測試階段，我地會儘快完成Beta測試。敬請期待！