你要早退休、退休定退而不休？坦白講，現時香港社會，後生仔應該唔會咁早諗呢一樣野。通常我地都係四十歲打後先會開始去諗。但係其實到四十歲先諗又遲左小小，因為始終複利息冇咁犀利加上風險承受能力都會比年輕時弱。另外，年齡越大，我地能儲嘅錢就會越小。雖然我地係揾多左，但係一來我地有家庭開支，二來我地嘅揾錢能力始終會隨年紀增長而慢慢減弱。所以其實真係應該趁後生，一個月小小錢儲起佢，等佢用時間增長係最好。
理想退休生活
我地點去Plan我地嘅退休生活？，要幾多錢先可以脫離朝9晚5嘅生活（若果係朝9晚5都仲好啲）？
每個人要嘅野都唔同，問下自己退左休要一個點樣嘅生活。夠兩餐就OK？定係想維持依家嘅生活水平？我地真係要計數，因為條數唔計我地真係唔知要儲幾多。
簡簡單單地計，就係預計自己退休之後每年嘅洗費乘以25（估計有90歲命），咁得出黎嘅就會係你需要退休嘅金額。呢一個方法雖然簡單，但係筆者唔建議用，因為唔係太準確。（如果大家想準確知道自己需要幾多錢先退休，到時InMAP計算機上左線之後，大家可以用InMAP計算機計下又或者去InMAP問下顧問意見。）了解下自己究竟需要幾多錢先可以退休先。咁大家先會計到每個月儲幾錢去過自己想過嘅退休生活。
另外，係計算要儲幾多錢去實現我地嘅退休生活，千祈唔好唔記得計下我地嘅MPF。MPF都係自己錢黎，大家要好好管理佢。最好整合左佢(可以參考下呢篇文章退休｜MPF冇用？），擺哂係一間公司咁就易於我地去管理。
回報＝成本＋風險＋時間
成日都會聽到人講趁後生儲多啲錢，點解？其實我地儲錢嘅回報基本係以上邊條Formula形成。以同一回報黎計，若果時間越小，換句話講，我地成本或者風險就要增加。成本增加，其實會係一個問題。因為年齡越大我嘅家庭嘅開支會越多，冇辦法騰出幾多。咁唯有增加我地嘅風險，但問題係當風險增加嘅時候，我地有機會會出現損失。 所以最好係係後生嘅時候以長線投資方法儲起佢，最起碼我地有一個確定嘅退休生活並且更重要嘅係財務自由。
大家如果想諮詢/了解多啲關於強積金或退休方面嘅建議，可以去InMAP平台問下專業顧問嘅意見。
