我地有良好嘅工具，都需要知道佢係咩黎同埋用法係咩咁先會用得其所。正如而家係市場上有咁多保險種類，究竟佢地有咩分別呢？睇完呢篇文章之後，希望大家會對自己現時有嘅保險有更深嘅理解。
其實人壽保險包括定期人壽保險、終身人壽保險、危疾保險、意外保險同埋醫療保險啦。咁究竟佢地係啲乜？同埋有咩功用？
定期人壽保險
定期壽險係一個保費低但同時最大保障嘅純人壽保險！純人壽即係冇任何儲蓄成份。作用係保障受保人係受保期間不幸離世，就會留一筆資金比佢所關心嘅人（受益人）。而好多人會諗咁我冇得攞返啲錢咪冇用囉？咁又唔係，因為定期人壽係可以以一個低嘅價錢令你有好大嘅保障。最常見嘅情況就係係供樓嘅期間需要買到。點解？因為當我地供樓期間需要孭起一筆債務。如果我地係呢個時間Touch Wood走左，家人情緒一定會受到影響，但無情嘅銀行催款並唔會因為你嘅特殊情況而作出寬限。呢個時候，純人壽保險就可以解決因為家人離世帶黎嘅經濟負擔。當然，呢個只不過係其中一種情況嘅例子，生活當中我地都有好多責任。(大家有興趣可以去睇下要買幾多保險先叫夠）
終身人壽保險
就係有儲蓄成份嘅人壽保障。而儲蓄成份大致上分為保證及非保證。保額亦會因儲蓄成份而增加。功能上大致同定期人壽相同，但因有儲蓄成份，價錢上亦會貴啲。
危疾保險
當我地不幸患上某一種保障範圍內嘅危疾時，保險公司會按保單上嘅保額賠出黎。需要注意嘅地方係要知道自己所需要嘅危疾保額。另外，危疾保險亦都分為有儲蓄成份（雖然好小）同無儲蓄成份兩種，最緊要係睇返保障範圍。因為唔同Plan有唔同保障範圍，比如有冇保早期嘅嚴重危疾等等。各位可以睇返自己嘅保單或問返自己嘅Agent。
醫療保險
我地入醫院進行治療所用到嘅費用都可以係醫療保險Claim返，用幾多Claim幾多實報實銷（注意：睇返自己買嘅計劃夠唔夠，想知道自己計劃係點？大家可以係InMAP道問下我地專業Agent嘅意見）。（大家如果唔太明白危疾同醫療有咩分別可以參考我地醫療與危疾的分別）
意外保險
因「意外」所引致的醫療開支及傷殘都會保得到（有啲包門診、跌打等最好問返自己嘅Agent或係InMAP平台問啦）。當我地發生意外嘅時候，保險公司會因應保單上嘅理賠比率賠出保額。而因應唔同傷害所賠出嘅保額比率係保單上面就可以睇到。但係各位注意（想對自己嘅計劃有更深嘅了解？大家可以係InMAP道問下我地專業Agent嘅意見）
當然我地買保險除左要計劃一個完善嘅個人風險管理之外，最緊要係按住我地嘅實際能力去定立計劃。大家可以去InMAP度揾專業嘅Agent問一問意見，問到洗楚為止。另外，佢地好樂意為各位訂立度身訂造你嘅風險管理計劃。如果大家對其他保險有疑問，都可以係我地平台上問我地專業嘅Agent。
#人壽保險種類
#完善嘅個人風險管理
#個人實際能力
#揾專業嘅Agent問問
#InMAP
我地InMAP平台上線啦。另外，大家可以Subscribe我地Newsletter或者我地嘅Social Media，咁我地一有消息你地都會即刻知道。
