好多時，筆者嘅朋友都會唔明究竟醫療保障、住院現金同危疾保障呢三者有咩分別，係唔係是但有一樣就得？其實佢地三種都係有各自嘅功能，係呢篇文章會同大家探討呢三種計劃有咩分別同用法。
醫療保障
首先講下醫療保障，醫療保障就係入院時嘅洗費（係合資格醫療費用）會由保險公司負責，即係我地所講可以Claim返（理賠），有些情況門診手術都會包大家可以問一問自己專嘅專業顧問又或者去InMAP問下顧問。醫療計劃筆者大致會分為三種（高、中、基本）。咁高同埋中級係一年有一個保額（上限）冇分細項咁比你去Claim，只要係合資格醫療費用都可以Claim得返。但係需要注意嘅地方係自己買嘅Plan有冇自負額（了解更多自負額）。如果有自負額，咁首先就要自己比左自負額先，其餘數目先Claim到。另外，有啲Plan亦都會分係咪揾佢地保險公司合作嘅醫生（網絡醫生），若果唔係就有機會Claim唔足。詳情請各位問返自己嘅顧問。
至於基本醫療，佢每一個細項都有一個限額，唔係專業嘅都好難掌握哂Claim唔Claim得足，雜費多數都唔夠（以基本Plan黎講），咁唔夠就要睇下自己有冇得Claim埋額外80%（一般而家買基本醫療都應該會買埋嘅）。但係最好都係問返自己果Agent，始終佢係專業。但係記住，醫療保障係實報實銷，即係話你用左幾多就Claim幾多。無論你有幾多份醫療都好都唔會Claim多架。
住院現金
而住院現金好多人誤會了以為呢個就係入醫院用幾多Claim返幾多（即係上邊果隻），其實住院現金係你入醫院住幾多晚就比返幾多晚錢你，從而減低你因為住院冇得返工而減小左收入的影響。至於幾錢就要睇返你果Plan（坊間普遍為$750一晚），有啲Plan要住三晚以上先有得Claim ，計劃詳情可以參考自己果份保單嘅保單條款或者問顧問（InMAP）。
危疾保障
至於危疾保障，就係你買一個保額，只要確認不幸患上保單上列明嘅嚴重疾病就會一筆過理賠出來。坊間嘅保險公司都涵蓋左最常見嘅嚴重疾病，包括： 心臟病發作，中風以及癌症； 而若果真係有新嘅病或一啲比較特殊嘅病，一般醫生證明左係無法逆轉（末期疾病）嘅時候都會賠出黎。通常我地買危疾保障都係為左應付我地有大病時的必要開支（生活上）。因為我地病左就返唔到工，換句話講即係會冇左收入，但係我地都仲要生活，所以危疾保障就係保障我地係呢種情況低下，有一筆資金比我地確保自己及家人嘅生活質量唔會改變。而保額並冇一個Standard，因為人人情況都唔同（必要支出大家都會唔同，例如會唔會要供樓等情況），大家想知自己要幾多危疾額，可以去InMAP咨詢專業顧問嘅意見。
危疾保障分為有分紅同冇分紅兩種，有分紅可以供斷嘅但係就會貴啲，隨住時間，分紅會令我地嘅保障都會慢慢變大。而冇分紅嘅，年紀細加上冇分紅，買嘅時候就會平好多，但保障範圍就可能冇咁廣，同時唔會增值。另外，要注意嘅地方就係，有啲冇分紅嘅Plan係唔保終身，大家記得留意返問返自己Agent。唔係到左年紀大風險高嘅時候先發現冇左保障。
其實分紅又好唔分紅又好，最緊要係能力（經濟上）同需要上適合自己。例如而家未有能力（經濟上）買到一份大保額嘅分紅危疾保單，可以策劃一部份嘅危疾額係用有分紅嘅計劃，而另外再組合冇分紅嘅計劃。咁樣就可以用一個平嘅價錢買到一個大嘅保障。當然，實際情況大家應該揾返專業嘅顧問去為你地策劃。
總括黎講醫療就係應付醫療洗費（入院洗費）；住院現金相當於病假，保險公司出返糧比你；危疾就以一筆過嘅形式賠出黎，等你應付因疾病而翻唔到工卻又唔可以避免嘅生活必要開支。
如果大家想知道點樣可以令到索償嘅時候更有效可以參考下呢度。
