有左公司醫療就唔洗自己再另外買個人醫療。咁究竟係咪呢？希望大家睇完以下文章可以了解點解有公司醫療我地都係要有個人醫療。
大前題，我地要先了解左我地自己公司醫療究竟包啲咩。有時，有啲剩係包門診嘅我地就以為包哂所有野，到我地要用嘅時候就乜都Claim唔到，所以大家要認真地了解下自己公司嘅醫療計劃。係了解完自己嘅公司醫療之後就要諗下，我地會唔會轉工啦。因為公司醫療係跟公司，即係話你離左職之後呢份醫療就會失效。咁你到時冇保障係身，又唔知下一間公司有冇團體醫療。同樣地，到左我地退休嘅時候，公司嘅醫療就會冇左。我地到時如果冇病冇痛都仲買到醫療，但係若果我地已經有醫療紀錄呢？咁就唔會咁順利啦。係咁嘅情況下，因應你嘅情況（主要考慮你嘅健康狀況）保險公司會有三種做法：
- 加你價 – 就係所謂嘅加Loading。若果剩係加Loading嘅情況下，保險公司係會包哂我地所有嘅野，但就會要用一個貴啲嘅價錢去買呢個保障（比其他人貴1.5什至兩倍）。但係筆者認為呢種情況係可以接受，因為始終佢都會包哂我地所有入醫院嘅洗費。
- 加不保事項 – 保險公司會因應你嘅情況加不保事項。實際發生係我朋友身上嘅事例（朋友30歲左右）： 佢因為腸胃炎而入過醫院（係我地眼中，腸胃炎好小事，一般都市病），但保險公司就有可能唔保由腸胃帶黎嘅問題。咁所有有關腸胃或由腸胃引致嘅病都唔會保（筆者聽到嘅時候都覺得有冇咁離譜）。當然係呢種情況下，Agent會幫我地試下Appeal，但若果Agent冇主動去做，大家要記得叫Agent幫我地，等我地可以有返保障。（注意： 唔一定會成功架，但試試無坊。）
- 直情唔受你玩（唔保你）- 呢種情況就最差，因為我地唔會再買到醫療，通常一間唔受你保（因為健康情況比較唔理想）就間間都唔受（係投保書上面佢有一條係會問你有冇被拒保過）。
所以現今嘅情況，最起碼都要自己有份基本嘅個人醫療。咁就算到我地老左，都唔會話完全零保障。
保險係喺我地健健康康嘅時候去買係最好，因為我地健康嘅時候，係我地最有bargaining power（議價能力）。一旦病過，保險公司會評估你嘅風險，然後儘一切辦法加你價或者加不保事項。（冇計，人地都係做生意）
咁但係我地有公司醫療再買一份咪會多左？其實唔會，因為可以買一啲有自負額嘅Plan（大家可以去睇下我地講關於自負額嘅文章），價錢平左之餘保障仲要大左好多。而有啲Plan到左某一定歲數，你可以降低自負額，等自己隨住年齡增長都有一個完善嘅保障，唔會因為Claim過而令自己醫療保障減小。
大家如果想更了解自己嘅公司醫療係點可以去InMAP問下Agent嘅專業意見，佢地會細心解答各位嘅問題。同埋可以睇下點樣運用你手上現有嘅保單去令你嘅醫療計劃組合性價比最高（保費低但保障大）。唔一定係要買貴Plan，最緊要係夾到而家你地自己有嘅野，用一個平嘅價錢買一個大嘅保障。大家如果身邊冇Agent朋友又或者想揾過專業嘅Agent幫下手，InMAP平台幫到你。
我地InMAP平台上線啦。另外，大家可以Subscribe我地Newsletter或者我地嘅Social Media，咁我地一有消息你地都會即刻知道。
