武漢肺炎疫情肆虐全球。大家一定要做好最基本保護自己嘅防護措施，如果有發燒、冇力、咳嗽、有少少痰，或者出現呼吸困難等症狀，大家記得快啲去睇醫生。但係若果我地做好左防護措施，都唔好彩感染左病毒。咁保險會唔會保我地？同埋咩保險會保？
人壽保障
人壽保障只要係因疾病、意外或者自然去世都會賠。
醫療保險
醫療保險都會有住院同手術嘅保障，總之入醫院嘅合資格醫療費用都會以實報實銷嘅形式Claim返。但大家要留意返自己嘅醫療計劃係邊種？有啲計劃係會每一項細項都會有上限，而有啲係一舊數Claim返，大家記得問返自己嘅Agent了解下自己個Plan。
住院現金保障
每係醫院住一晚都會有現金收嘅保障，叫做幫輕下我地入左醫院冇收入嘅時間。
以現時黎講，以上兩種保障只要係合資格醫療費用同有住院必要就可以理賠到。但係武漢肺炎已經被納入法定須呈報嘅傳染病。啫係話，如果你地嘅醫療保險計劃冇將「傳染疾病」列為不保事項嘅話，保險公司都會保。但係大家最好都係揾返Agent問一問，了解多啲自己嘅Plan。
危疾保險
至於危疾保障，通常主要保障癌症、心臟病同中風等係保單上列明嘅嚴重疾病。但係通常係保單上列明嘅嚴重疾病都會有一項叫末期疾病，意思係醫生證實係無法逆轉嘅病，保險公司都會履行佢地嘅責任賠錢出黎。
大家如果想更了解自己嘅危疾保險會唔會包埋武漢肺炎或者其他由佢所衍生嘅疾病，各位應該同你地嘅保險顧問查詢(如果冇，可以去我地平台揾下）又或者睇保單條款。
如果大家想知醫療保險、住院現金保障同危疾保險呢三者有咩分別，可以睇下以下文章（醫療與危疾的分別）。或者，我地冇辦法控制疾病，但我地可以確保自己同身邊嘅人有足夠嘅保障。同時，大家記得做好風險管理，以免令身邊嘅人憂心。
我地InMAP平台上線啦。另外，大家可以Subscribe我地Newsletter或者我地嘅Social Media，咁我地一有消息你地都會即刻知道。
