理財空間
老土地講句，你不理財財不理你（真係好老土）。我諗係人都知道呢一個道理。我地理財都係想令自己能夠達到一啲目標比如買樓、財務自由、退休等等。點樣去理財都係一門學問，但係最基本嘅基本我地首先要知道自己嘅理財空間，係呢篇文章我地會講下理財空間係咩黎同點樣可以計算出黎。
理財空間唔知大家有冇計過或者有冇聽過？理財空間係指係唔影響我地”正常”生活嘅情況下，能夠用嘅錢（包括儲錢、投資或玩）。其實我地每個人都應該計一計自己嘅理財空間，咁係計算過程之中大概就可以知道自己嘅生活洗費係點，用係邊一方面嘅消費會用得比較多（注：而家坊間都有好多App可以幫我地去紀錄低我地嘅洗費）。咁會幫助到我地更有規劃咁達到我地嘅目標（個個人唔同，有啲可能係買樓，有啲可能係做生意等等）。
目標
其實我地每一個人都有一個目標（當然係可行嘅目標），正如上邊所講個個人唔同，所以數字都唔同。但係我地好多時年紀越大就會覺得離呢個目標好遠，最後甚至放棄佢。但係大家有冇試諗過目標係咪真係好遙遠？係咪真係Mission impossible？其實只要你去諗下，都有好多方法可以令我地達成目標。
理財
通過理財嘅方法，我地可以更準確去規劃一個更容易達到我地目標嘅方式。理財嘅方法有好多種包括： 投資、儲蓄等等，點樣分配我地嘅資源都係一個學問。但係更重要嘅係喺分配我地資源之前，我地需要知道我地有幾多可以動用嘅資源（理財空間）。
計算你嘅理財空間
通過計算我地嘅理財空間我地會知道現有能夠用嘅資源有幾多再進行分配。好啦，咁點樣計我地嘅理財空間呢？（InMAP計算機好快會上線，到時大家可以去計下自己嘅理財空間）
- 將我地嘅收入減去我地嘅必要開支，必要開支嘅意思係指用呢個開支去維持我地嘅收入比如搭車返工、食飯等。
- 再減我地嘅家庭開支比如家用、電話費等必定要/會比嘅。
- 淨底得出黎嘅就係我地嘅理財空間
計完理財空間之後，我地就可以考慮下究竟要點分配我地嘅資源。現時大部分比較年輕嘅人都會將佢地嘅資源放係娛樂方面（買電話、波鞋、旅行）。當然呢啲並沒有錯，因為人係需要消費/娛樂，如果唔係人生就冇乜意義。但係一旦我地真係將所有資源 / 甚至預支左我地嘅資源（借錢、Credit Card）放哂係娛樂度，唔好話目標，往後嘅日子都好難捱，除非各位係開源方面真係好得，如果唔係筆者唔建議放哂係娛樂，更加唔好先洗未來錢。我地要達到目標最重要係識點去分配而唔係全部用哂係娛樂上。另一個問題就係我地嘅儲蓄方法。係用剩先儲，定儲左先用？若果係用剩先攞去儲，每個月就變左儲嘅金額唔穩定，隨住時間過去，我地離目標只會越黎越遠。有咩方法可以令我地可以達到目標？當然係先儲後洗，確定自己要儲幾多錢（當佢係必要開支咁計）一個月之後剩返嘅先係娛樂消費，但係最緊要係千祈唔好用到儲起左果筆錢。咁我地要點知道一個月應該要儲幾錢先可以達到我地目標呢？（InMAP計算機好快會上線，到時大家可以去計下自己嘅理財空間）
- 了解自己嘅目標需要幾多金額（可行嘅目標）
- 希望用幾多年去完成呢個目標（可行嘅時間）
- 通過計算未來值（future value)了解大概到時所需金額
- 通過計算（假設回報率當然要可行嘅，筆者通常以3%去計）得出自己要每年儲幾錢可以係理想情況下完成目標
當揾到每年需要儲幾錢之後，大家可以去坊間揾一啲比自己假設回報高嘅儲蓄/投資去做，從而令時間/成本減小。但當然，越高回報嘅投資，相對你要承擔高嘅風險。記得要係自己能夠承受嘅風險程度入邊進行投資。另外，如果要進行高風險投資（比如高風險嘅股票），大家一定要具備相當嘅知識先好去做（唔好聽Number）。因為投資涉及風險，資產價格可升可跌，大家有機會連本都冇埋。當然我地可以做好多野去降低風險，比如分散投資：我呢度嘅分散投資唔係話分散係唔同嘅高風險產品。而係我地將一啲資源放去低風險但會慢慢增長嘅產品，同時將一啲資源去做高小小風險嘅投資，咁我地嘅財富慢慢累積。大家如果想了解低風險而又可以做到比自己假設回報高嘅產品可以去InMAP App問一問專業嘅Agent。
當然亦有其他辦法去做，比如開源：揾多份工或者令自己有一啲被動式收入。另外仲有節流，將一啲我地嘅娛樂洗費Cut左佢，咁我地就能夠有更多嘅資源投放係未來。
儲蓄辛唔辛苦？好辛苦。望住其他人係Facebook post去旅行、買呢樣果樣，但係自己就要控制自己嘅欲望係非常辛苦嘅一件事。但係到最尾，當你完成目標，望返轉頭嘅時候，你就會發現一切都係值得。就正如你要減肥/練肌肉一樣，過程辛唔辛苦？當然好辛苦，唔會訓醒一擘大眼就成身肌肉（如果有嘅麻煩Email筆者🙇♂️）。目標從來唔係講出黎就會完成到，我地冇辦法做到八千月薪買林寶嘅話（如果想知自行Google），就需要透過自身嘅規劃、努力、自律，刻苦咁去完成佢。但係各位都要記得要完善左自己嘅保護網先，因為有起事上黎都係係儲蓄度攞返出黎（點解要買保險）。
如果覺得自己係規劃理財方面唔係太專長又唔知有咩可以幫到你完成目標，可以去InMAP問一問專業Agent（何謂好Agent）嘅意見。佢地會幫你分析你嘅財務狀況，比一個切合你需要嘅方案你。另外，如果想了解保險又或者想Review下自己嘅保單，都可以去InMAP平台問下Agent意見。InMAP平台仲可以比你管理埋你嘅保單，等你可以得閒Review下自己有咩保單。
