墊底費 – 我地又稱為自負額，英文係excess/deductible。咁究竟墊底費係咩黎而佢又有咩作用？通過呢篇文章希望大家對墊底費有更深嘅認識。
墊底費（自負額）顧名思義就係自己負責嘅額度。最常見到係醫療計劃同一般保險（比如車、家居保等）計劃入邊出現。舉個醫療計劃嘅例子說明下墊底費係點運作：
假設你購買左一份墊底費為$16,000、賠償上限係$500,000嘅醫療保障，之後你需要入院接受治療，而治療費係$50,000。到出院嘅時候，Claim返入院用嘅治療費，但因為有墊底費嘅存在，所以保險公司會先扣除左墊底費（$16,000)之後嘅費用先Claim返。換言之，係今次嘅治療入邊你需要自己承担$16,000而其他($50,000-$16,000）$34,000會由保險公司承担。
另外再舉一個例子，以上面同樣情況，你購買左一份墊底費為$16,000，賠償上限係$500,000嘅醫療保障，但係今次治療費只需$14,000。因為呢份醫療保障嘅墊底費係$16,000而治療費未到$16,000，即係話，係呢次會係你自己負責哂呢$14,000。
睇完以上兩個例子，希望大家都明白墊底費大概係啲咩黎。到呢度大家可能會諗，要我自己去比一舊錢之後果啲先Claim到，咁點解我要買有墊底費嘅計劃？墊底費有咩用？
墊底費有用嗎？
有墊底費嘅保障，價錢相對地會平啲，因為保險公司覺得你Claim嘅機會比起其他無墊底費嘅人會細啲（風險冇咁高，因為前題係你要自己比左自負額果筆先）。即係話，若果我地想有個大啲嘅保障而又唔想負擔/負擔唔起昂貴嘅價錢（一般有墊底費嘅醫療都係中至高端醫療）可以考慮加自負額，咁保障變大之餘價錢亦唔會話太貴。另外，好多時，我地會選擇一啲有自負額嘅Plan係因為我地自己本身已經有其他醫療Plan（比如公司醫療）（按此可了解有公司醫療點解仲要買個人醫療）。咁實際操作會係點呢？又舉個例子： 假設你購買左一份墊底費為$16,000，賠償上限係$500,000嘅醫療保障而同時你公司醫療嘅賠償上限為$16,000無墊底費。你需要入院接受治療，而治療費係$50,000。咁今次，我地向保險公司索償$34,000（扣除左墊底費$16,000後)而向自己嘅團體醫保（公司醫療）Claim返墊底費$16,000。換句話講，今次Claim嘅實際情況係完全Claim足十成。由此例子睇到，墊底費未必唔好。最緊要係識Plan，識點樣運用自己手上現有嘅資源以合理嘅價錢去擁有更大保障。
問題係，你了解自己公司醫療係點嗎？究竟買邊隻醫療好？要唔要買有墊底費嘅好？一個完善嘅風險管理（按此看文章完善嘅個人風險管理）先唔會令到我地蒙受損失，每個人嘅保險需求都唔同（按此可以睇下我地保險需求嘅文章），點Plan好？黎InMAP免費揾我地專業嘅顧問問下佢地專業嘅意見啦。
InMAP會嚴密監控和驗證平台上的專業顧問，我地希望透過InMAP令大家更易去揾到專業嘅Agent。而透過評分/評語令更多人知道呢個Agent好唔好啦。
我地InMAP平台上線啦。另外，大家可以Subscribe我地Newsletter或者我地嘅Social Media。
