個人嘅風險管理十分重要，佢會係我地有困難嘅時候雪中送炭（當然舊炭首先要自己預備）。係之前一篇文章我地講到保險需求(按此可以睇呢篇文章）嘅問題，而係睇完呢篇文章希望大家會更重視自己嘅個人風險管理。
風險管理係咩？
「風險管理」呢個詞大家成日都會聽到，風險管理係理論上係指通過對風險識別、評估同選擇處理風險嘅方法。一般情況下，我地會係投資方面聽得多，而投資相對地亦會做多啲風險管理，比如分散投資。咁我冇投資關我咩事？其實係日常我地自己都有做風險管理，小至於我地嘅電話： 加左個保護貼或者係加埋個保護殼都係風險管理嘅一種。當我地跌左部電話落地嘅時候，保護貼/保護殼就會發揮作用，令我地電話冇咁容易爆Mon/爛，從而減小我地嘅損失(由要整電話變左只要換過Mon貼就得）。所以每一樣野都有風險管理嘅需要同方法。而個人嘅風險管理我地會統稱為「保險」。保險嘅作用係將風險帶黎比我地嘅損失轉移比保險公司。而做得風險管理，我地都希望係做一個完善嘅保護網，而唔係一個有缺口令自己有機會出現損失嘅保護網。
唔完善嘅風險管理
究竟一個唔完善嘅風險管理對我地自己有咩影響？舉一個例子，一個唔完善嘅風險管理就好似一架就黎冇油嘅車。你揸住呢架車上高速，平時係足夠行駛到達油站。但萬一遇上一啲估計唔到嘅情況，比如塞車。你唔能夠估計塞幾耐、仲夠唔夠油行到去油站。夠當然好，但若果唔夠呢？我地就要Call拖車，咁我地就要比額外嘅錢先去到目的地。當然呢個例子只不過係拖車，一個好細嘅數目。但係如果係我地嘅保險唔夠呢？到我地真係有事嘅時候，我地要比嘅錢一定唔會係一個細嘅數目。所以，一個完善嘅風險管理可以令我地無後顧之憂。
咁究竟點先係一個完善嘅風險管理？一個完善嘅風險管理除左要保障到我地會面對嘅風險之外，更要承受到風險帶比我地嘅損失，換句話講就係保障要夠（想知道自己保額夠唔夠？可以去InMAP嘅保額計算機查一查）。當然要係自己能力範圍之內，揾返自己嘅專業Agent問一問會更好（如果冇Agent，可以去InMAP揾），佢地會按你嘅需要及能力，比到一個為你度身訂做嘅計劃比你（唔會係邊隻Plan高佣賣邊隻），令你唔會有保障嘅缺口（大家可以去睇下以下文章了解保障缺口） 。但大家記得，係上一篇文章提及過，我地人生每一個Stage需要嘅野都唔同。所以記得得閒Review下自己嘅情況啦。
#風險管理
#日常生活我地都會有風險管理
#唔完善嘅風險管理對我地嘅影響
#估計唔到嘅情況
#一個完善嘅風險管理可以令我地無後顧之憂
#保額計算機
#專業保險Agent
#InMAP
#Review下自己嘅Stage
我地InMAP平台上線啦。另外，大家可以Subscribe我地Newsletter或者我地嘅Social Media，咁我地一有消息你地都會即刻知道。
